Igwanas

Gawson ni westy hyfryd yn Puerto Ayora, lle newydd sbon danlli, dim ond ar agor ers wythnos: y Solymar (www.hotelsolymar.com.ec). Dim byd crand, dim teledu yn y stafell na dim byd felly, ond glan a chyfforddus efo pwll nofio bychan a hamocs reit o flaen y mor – a llwyth o fywyd gwyllt reit o flaen eich trwyn chi – fel yr iguana yma.
Gyda llaw, dydi pawb ddim yn gallu deud ‘th’ yma, felly mae Bethan yn swnio’n debycach i Besan, a chan fod Gwanas yn swnio’n debyg iawn i Iguanas, mi gafodd un boi ffit o chwerthin o sylweddoli bod fy enw’n swnio’n debyg i ‘Besando Iguanas’ – sef ‘cusannu iguanas’. Hm. Dwi’m yn siwr be i feddwl o hynna.